Де Росси футболчилик фаолиятини якунламоқчи

"Бока Хуниорс" ярим ҳимоячиси Даниэле Де Росси клуб билан шартномани узайтирмайди.

Италиялик Аргентина клуби шарафини олти ойдан бери ҳимоя қилиб келмоқда. Бу вақт ичида футболчи чемпионат баҳсларида бешта ўйинда майдонга тушган. "Рома"нинг 36 ёшли собиқ сардори футболчилик фаолиятини якунламоқчи.

Де Росси "Рома" билан Италия кубогини икки маротаба қўлга киритган ва терма жамоа сафида жаҳон чемпиони бўлган.