Де Росси: "Кеча ҳатто "Реал"нинг ҳимояга ўтганини кўрдик ва футболчиларим ҳам вақти келганда шундай қилишди"

Европа лигасининг чорак финалидан ўрин олган жавоб учрашувлари ўз ниҳоясига етди. 

"Италия дербиси" дея номланган баҳсда "Рома" "Милан"ни жавоб учрашувида ҳам мағлуб қила олди. Дастлаб, Манчини ҳисобни очган бўлса, Дибала фарқни иккитага ошириб қўйди. Шундан кейин Габбия ҳисобни қисқартирди. 

Мазкур учрашувдан сўнг римликлар бош мураббийи Даниэле Де Росси ўз фикрлари билан ўртоқлашди. 

"Милан"ни мағлуб этиш учун биз бехато ўйнашимиз керак эди. Жасорат, ақл билан 10 киши бўлиб ўйинни давом эттиришимиз лозим эди. 

Футболда фақат югуришнинг ўзи етарли эмас. Тактик жиҳатдан тўғри ҳаракатлана олишингиз ўта муҳим. Мен шундай жамоа мураббийи эканимдан фахрланаман. Ғалабани қўлга киритиш осон бўлмади, чунки "Милан" жуда кучли эканини ҳамма яхши билади. 

Кеча ҳатто "Реал"нинг ҳимояга ўтганини кўрдик ва футболчиларим ҳам вақти келганда шундай қилишди", - деди италиялик мутахассис.