Дэвид Мойесга янги иш таклиф қилишди

Англиянинг “Сандерленд” клуби бош мураббийи Дэвид Мойес Шотландия терма жамоасини бошқариши мумкин. Бу ҳақда Mirror нашри хабар тарқатди. 

Маълумотларга кўра, Шотландиянинг амалдаги бош мураббийи Гордон Страчан истеъфога чиқарилса, унинг ўрнини Мойес эгаллайди.

Шотландия ЖЧ–2018 турнирига саралаш босқичи гуруҳ баҳсларида 4-турдан кейин атиги битта ғалаба билан 5-ўринда бормоқда.

Маълумот учун, Дэвид  Мойес фаолияти давомида “Эвертон”, “Манчестер Юнайтед”, “Реал Сосьедад” каби клубларни бошқарган.