Ди Мария "Бока Хуниорс"га қарши учрашувдаги танқидларга жавоб берди

Клублар ўртасидаги Жаҳон чемпионати доирасида "Бенфика" ва "Бока Хуниорс" жамоалари ўртасидаги беллашув 2:2 ҳисобида якунланди. Ушбу ўйинда гол урган Анхель Ди Мария аргентиналик мухлислар томонидан танқидга учради.

Тажрибали ярим ҳимоячи "TyC Sports" нашрига шундай изоҳ берди:

"Ҳеч қандай ҳайратланарли жиҳат йўқ. Бу — футболнинг бир қисми. Мен бошқа жамоа футболчисиман ва "Бока" дарвозасига гол урдим. Мухлисларнинг ранжиши — бу мутлақо табиий. Биз буни тушунамиз" - дея таъриф бериб ўтди 37 ёшли футболчи

Биринчи турдан сўнг "Бенфика" 1 очко билан C гуруҳида 3-ўринда бормоқда. Клубнинг навбатдаги учрашуви 20 июнь куни "Окленд Сити"га қарши бўлиб ўтади.