Диего Симеоне: Биз 7 йилдан буён шундай усулда ўйнаяпмиз, ўзгаришимиз қийин

"Ёпиқ ва қийин ўйин бўлди ва кўп нарсаларни ўйлаб кўришга мажбур этди мазкур беллашув. Биз ғалабага яқин эдик, аммо рақиблар ўйин сўнггида ажойиб ҳужум ташкил этишди ва гол киритишди.

Жамоаларнинг ҳеч бирида яққол голга тортадиган вазият юзага келмади. Бугун тактик қарама-қаршилик бўлди. Менга ўз жамоамнинг ўйини ёқди. Биз етти йилдан бери шундай футбол кўрсатиб келамиз, ўзгаришимиз қийин. Аммо, албатта, мен тезда тўпни олиб чиқиб, қарши ҳужумларда яхшироқ ҳаракат қилишимизни хоҳлайман ", - деди аргентиналик мутахассис.