"Динамо" аргентиналик футболчи билан шартнома имзолади

 "Динамо" трансфер ойнасининг охирги кунларида навбатдаги футболчини ўз сафига қўшиб олди. 

"Динамо" жамоаси янги мавсум олдидан яна бир легионер билан ўз сафини кучайтирганини маълум қилади.

Янги мавсумда янги марраларни кўзлаётган «Динамо» ПФК Салвадор Санчес билан келишувга эришди. Аргентиналик 30 ёшли ҳимоя чизиғи вакили марказий ва чап қанот ҳимоячиси сифатида ўйнай олади. Санчес жамоамиз сафига эркин агент сифатида келиб қўшилди.

Салвадор Санчеснинг сўнгги клуби Чилининг «Депортес Икике» клуби бўлиб, у жамоа билан хайрлашгач, январ ойида эркин агентга айланганди. 

«Ривер Плейт» клуби тарбияланувчиси саналмиш Санчес Аргентинанинг «Арсенал Саранди», «Сантамарина», «Олимпо», Грециянинг «Волос», «ПАС Ламия», Литванинг «Паневежис» ва Чили чемпионатининг «Кокимбо Юнидо» ҳамда «Депортес Икике» клублари шарафини ҳимоя қилган. 

Bienvenido a «Dinamo» Salvador Sánchez!", - дейилади клуб матбуоти хабарида.