Дмитрий Губерниев: "Афғонистон билан ўйнаш учун бразилияликларни маҳаллийлаштирдик!"

Таниқли рус журналисти - Дмитрий Губерниев яқиндагина Россия фуқоролигини олган бразилиялик футболчилар - Малком ва Клаулино борасида кескин ҳазиллашди.

"Улар бизга яқинлашиб келаётган Афғонистон билан ўйинда ёрдам беради. Айнан шу учун ҳам уларга биз Россия паспортларини тақдим этдик. Бу йигитлар Россия ва "Зенит"сиз ҳаётини тасаввур ҳам қила олмайди.

Бундан ташқари, улар ҳар куни тонгда Россия федерацияси мадҳиясини куйлашади. Менга, буни ишончли манбалар маълум қилди. Ватани севишни улардан ўрганишимиз лозим."-деб фикр билдирди "Матч ТВ" шарҳловчиси.