Дрикус дю Плесси жароҳат олгани ростми? Жангчининг ўзи жавоб берди

Ўрта вазнда UFC чемпиони Дрикус дю Плесси жароҳати ҳақидаги миш-мишларга жавоб берди.

"Ҳамма менинг болдирларим сингани ва турли жароҳатлар олганим ҳақида гапириб юрибди...Бу жуда кулгили. Бу умуман ҳақиқат эмас. Жанг санаси ва рақибни UFC билан муҳокама қилганмиз, ҳозирча июн ойида октагонга чиқишим учун шартнома имзоланмаган. Бироқ агар бу таклиф этилса ҳам бош тортмайман" -  деб ёзди Дрикус ижтимоиқ тармоқларида.

Аввалроқ, Дю Плессининг Хамзат Чимаевга қарши эҳтимолий жанги жанубий африкаликнинг жароҳати туфайли бекор қилингани ҳақида хабарлар тарқалди.