Дрикус дю Плессими ёки Хамзат Чимаев? Оғир вазн чемпиони жавоб берди

Оғир вазн тоифасида UFC чемпиони Том Аспиналл жанубий африкалик Дрикус дю Плесси ва россиялик Хамзат Чимаев ўртасидаги баҳс учун ўз прогнозларини билдирди. 

"Дрикусни жуда кўп кўрган бўлсам-да, у ҳақида кам нарсани биламан. Бироқ бу сафар ҳам унинг ютқазишига ишонмайман. Плесси ғалаба қозониш йўлини топади. Тўғри, Хамзат ҳам кучли йигит, октагонда ҳақиқий йиртқич. У ҳар доим рақибларини партерга тортади ва ўша ерда барчасини ҳал қилади... Лекин шундай бўлса-да, олдиндан бир нима дейиш қийин. Очиғи, бу тўқнашувда ким ғолиб бўлишини аниқ айтолмайман" - деди Аспиналл "TNT Sports" га берган интервьюсида.

Маълумот учун, Чимаев ва дю Плесси қарама-қаршилиги 17 август куни "UFC 319" турнирида бўлиб ўтади.