Дунёда биринчи марта карантиндан кейин футбол учрашувларига мухлисларнинг киришига рухсат берилди

Вьетнамда ҳам коронавирус туфайли тўхтатилган чемпионат қайта тикланди.

Эътиборлиси, Вьетнам Covid-19 билан боғлиқ барча чекловларни олиб ташлади ва стадионларга мухлисларнинг ташриф буюришига рухсат берди.

Шу тариқа, Вьетнам карантиндан кейин футбол учрашувларини томошабинлар билан ўтказишни бошлаган дунёдаги биринчи чемпионатга айланди.

Айтиш лозимки, Вьетнам коронавирусдан деярли азият чекмади. Мамлакатда Covid-19 билан боғлиқ бор йўғи 325 та ҳолат қайд этилди холос.