Dunyoning eng iqtidorli futbolchisidan yuz o‘girishdi

Sky Sports nashri jurnaliyati Florian Plettenburgning ma’lum qilishicha, “Chelsi” rahbariyati jahonning eng iqtidorli yosh o‘yinchisi sifatida e’tirof etilayotgan Yussuf Mukokoni olish fikridan qaytdi.

18 yoshli hujumkor futbolchi Dortmundning “Borussiya” klubida mazmunli o‘yin ko‘rsatayotgani uchun Qatarda o‘tkazilgan jahon chempionatiga ham jalb qilingan edi.

Dortmundliklar safida o‘ynagan “Manchester Siti” to‘purari Erling Xoland Yussuf Mukokoni o‘zi ko‘rgan futbolchi orasida eng iqtidorlisi ekanini ta’kidlagan.

Shunga qaramay, “Chelsi” mutasaddilari jamoaga tajribali hujumchi kerak, degan fikrga kelgan. Shu bois, klub Mukoko uchun kurashdan chiqdi.