Дзюдо. Бобонов, Матниязова, Олтибоев ёхуд терма жамоамизнинг "Катта дубулға" турнири учун таркиби маълум

24-26 июнь кунлари Мўғулистон пойтахти Улан-Батор шаҳрида дзюдо бўйича "Катта Дубулға" туркумига кирувчи нуфузли турнир бўлиб ўтади.

Мусобақада 5 қитъанинг 30 давлатидан жами 270 (161 эркак, 109 аёл) нафар дзюдочи иштирок этиш истагини билдирган. Улар орасида ўзбекистонлик дзюдочилар ҳам турнир медаллари ҳамда муҳим рейтинг очколари учун татамига чиқадилар. Бироз аввал терма жамоамиз делегацияси Мўгулистонга жўнаб кетди.

Терма жамоа таркиби:

-48 кг: Гулнур Муратбаева
-52 кг: Диёра Келдиёрова
-63 кг: Севинч Исоқова
-70 кг: Гулноза Матниязова
-70 кг: Шоҳиста Назарова

-60 кг: Кемран Нуриллаев
-66 кг: Раҳимжон Субҳонов
-66 кг: Сардор Нуриллаев
-73 кг: Шаҳрам Аҳадов
-73 кг: Обидхон Номонов
-81 кг: Рамазон Аллабердиев
-90 кг: Давлат Бобонов
+100 кг: Бекмурод Олтибоев.

Ўзбекистон дзюдо федерацияси матбуот хизмати