Дзюдо. Дилшодбек Баратов дастлабки икки босқичда ғалаба қозонди!

Пойтахтимизда старт олган дзюдо бўйича жаҳон чемпионати терма жамоамиз учун ғалаба билан бошланди.

-60 кг вазн тоифасидаги Дилшодбек Баратов терма жамоамиз вакиллари орасида биринчи бўлиб баҳсларни бошлади ва Халқаро дзюдо федерацияси жамоаси таркибида иштирок этаётган Муҳаммад Аккушни мағлуб этиб, кейинги босқичга йўл олди. 

Ҳамюртимиз иккинчи босқичда украиналик Артём Лесюкни иппон баҳоси билан мағлубиятга учратиб, медалm сари дадил қадам ташлади.