Дзюдо. "Катта дубулға" турнири илк кунида 3 спортчимиз шохсупага кўтарилди!

Туркияда старт олган дзюдо бўйича “Катта дубулға” мусобақасининг биринчи куни терма жамоамиз учун муваффақиятли ўтди. Кечки дастурда ҳамюртимиз Сардор Нуриллаев (-66 кг) ҳам бронза медали учун баҳсда ғалаба қозонди.

Мўғилистонлик тажрибали Басху Ёндонперенлеига қарши татамига чиққан Сардор оғритиш усули билан рақибини муддатидан аввал мағлубиятга учратишга муваффақ бўлди. Шу тариқа у ўз ҳисобига 500 рейтинг очкосини қўшиб қўйиш баробарида делегациямиз ҳисобига мусобақадаги учинчи медални тақдим қилди.

Ундан олдин Диёра Келдиёрова кумуш, Дилшодбек Баратов бронза медалини қўлга киритганди.