Dzyudo. Osiyo chempionatini kuchli uchlikda yakunladik

Qozog‘iston poytaxti Nur-Sulton shahrida dzyudo bo‘yicha qit’a birinchiligi poyoniga etdi.

Bellashuvlarni og‘ir vazn toifasidagi polvonlar tugatib berishdi. Murosasiz bahslar yakunida +100 kg vazn toifasidagi vakillarimiz Bekmurod Oltiboev hamda Shohruh Baxtiyorov bronza medallarini qo‘lga kiritishdi. Shu tariqa, dzyudochilarimiz Osiyo chempionatini 1 ta oltin, 2 ta kumush va 6 ta bronza medallari bilan umumjamoa hisobida uchinchi o‘rinda yakunlashdi.