Дзюдо. Украиналикларнинг "Ҳумо арена"даги Жаҳон чемпионати учун таркиби билан танишинг

Жаҳон чемпионати стартига бир ой қолган бир пайтда Тошкентга ўз терма жамоасини жўнатишни расман тасдиқлаган давлатлар сони 55 тага етди.

Жумладан, Украина терма жамоаси мураббийлар штаби ҳам таркибни эълон қилди. Ўн нафар (6 эркак, 4 аёл) дзюдочи орасида украиналиклар етакчиси, Токио Олимпиадасининг бронза медали совриндори, тўрт карра жаҳон чемпиони, Европа чемпиони, "Катта Дубулға", Гран-при турнирларининг кўп карра ғолиб ва совриндори, энг ёш (17 ёш) икки карра Жаҳон чемпиони Даря Билодед ҳам бор. Эндигина 21 ёшга тўлган Билодед шунча "юк"ни ўз елкасига ортиб улгурди.

Украина терма жамоаси таркиби:

-60 кг: Артём Лесюк
-66 кг: Богдан Ядов
-81 кг: Геворг Манукян, Сергей Кривчач
-90 кг: Артём Бубир
+100 кг: Якив Хаммо

Аёллар

-57 кг: Даря Билодед
-63 кг: Анастасия Антипина
-70 кг: Наталя Чистякова
-78 кг: Елизавета Литвиненко

Ўзбекистон дзюдо федерацияси матбуот хизмати