Дзюдо. Вакилларимиз Австрияга жўнаб кетди

Дзюдо бўйича Ўзбекистон аёллар терма жамоасининг олти нафар аъзоси Австрия йиғинида иштирок этиш учун жўнаб кетишди.

Грас шаҳридаги халқаро ўқув-машғулот йиғини 6-9 июнь кунларига белгиланган. Шундан сўнг, ёшлар ва катталар терма жамоамиз Хорватиянинг Пореч шаҳрида ташкил этиладиган худди шундай халқаро машғулотларга йўл олади. Хорватиядаги ўқув-машғулот йиғини 12-19 июнь кунлари бўлиб ўтади.

Бугун Австрия йиғинига Диёра Келдиёрова, Гулноза Матниязова, Гулнур Муратбаева, Сита Кадамбаева, Нилуфар Ермаганбетова ва Севинч Исоқовалар жўнаб кетди. Делегация таркибидан шифокор Нелли Стромм ҳам жой олган.