Дзюдочи қизларимиз ўқув-йиғин машғулотларини хорижда ўтказмоқда

Марко Шпитка ва Муқаддас Кубеева мураббийлигидаги Ўзбекистон аёллар терма жамоаси Исроил давлатида ўқув-машғулот йиғини ўтказяпти.

Исроил терма жамоаси билан ҳамкорликда ташкил этилган ушбу йиғин дзюдочи қизларимиз учун келаси ой Туркияда ўтказиладиган Ислом Бирдамлик ўйинлари ҳамда Қозоғистон мезбонлик қиладиган катталар ўртасидаги Осиё чемпионатига тайёргарлик босқичи вазифасини ўтаб бермоқда.

Мураббийлар йиғинга Гулнур Муратбаева (-48 кг), Диёра Келдиёрова (-52 кг), Сита Кадамбаева (-52 кг), Нилуфар Ермаганбетова (-57 кг), Мамлакат Султонова (-63 кг), Фарангиз Ҳожиева (-63 кг), Шоҳиста Назарова (-70 кг), Гулноза Матниязова (-70 кг) ва Ширинжон Йўлдошева (+78 кг)ни таклиф этган.

Ўзбекистон дзюдо федерацияси матбуот хизмати