Экитике: "Ливерпуль"ни танлаш фаолиятимдаги энг тўғри қарорим эди"

Чемпионлар лигасининг 2-тури доирасида "Ливерпуль" сафарда "Галатасарой"га қарши майдонга тушади. Беллашув олдидан Юго Экитике матбуот анжуманида иштирок этди. Ҳужумчи мерсисайдликла га ўтишни ўзининг карьерасидаги энг яхши қарор деб атади ва Европанинг энг нуфузли турнирида муваффақият қозониш учун бор кучини сарфлашга тайёрлигини таъкидлади.

"Ливерпуль"га мослашиш ва Исак билан рақобат ҳақида:
"Мен клубга жуда яхши мослашдим деб ўйлайман. Жамоадошларим ва мураббийлар штаби менга катта ёрдам берди. Бундай йирик клубда фақат битта ҳужумчи бўлмаслиги табиий. Мен кўп нарсани ўрганишим мумкин. Қайси футболчини майдонга туширишни мураббий ҳал қилади. Мен илгари бир ҳужумчи билан ҳам, икки ҳужумчи мавжуд схемага ҳам ўйнаганман. Агар Исак ёнида ўйнашим керак бўлса, мен тайёрман."

Нега айнан "Ливерпуль"ни танлагани ҳақида:
"Бу клубни танлаш фаолиятимдаги энг тўғри қарорим эди. Жамоа кўплаб чемпионликларни қўлга киритган ва буюк тарихга эга. Бу ерда мен излаган ҳамма нарса бор эди. Бу мен учун энг яхши вариант бўлди ва бу ерга келишни ўзим хоҳладим."

"Саутгемптон"га қарши ўйиндаги қизил карточка ҳақида:
"Бу тўғри иш эмас эди. Ўша ҳаракатим билан жамоани қийин аҳволда қолдирдим ва бундан жуда хafa бўлдим. Ҳаммадан узр сўрадим ва бундай ҳолат бошқа такрорланмаслигига кафолат бераман. Энди эса фақат футболга эътибор қаратаман."