“Эл-класико”да “Барса”га қайси ўйинчи етишмаганини айтишди

“Реал”нинг собиқ футболчиси Тони Кроос Испания чемпионатининг ўнинчи туридан ўрин олган “эл-класико”да каталонияликларга қайси футболчи етишмаганини айтди.

Маълумки, чемпионатнинг энг кескин ва муросасиз учрашувида “Реал” амалдаги чемпион устидан 2:1 ҳисобида зафар қучиб, жорий мавсумда пешқадамлик мавқеини мустаҳкамлаб олди.

- “Барселона” учун энг муҳим ўйинчи Иньиго Мартинес эканини мен аввал ҳам айтганман. У ҳимоядан чиқишни энг зўр ташкил қилиб берадиган ҳимоячи эди. Тўғри, унга тезлик етишмаслиги бор гап, лекин унинг биринчи паси ҳар доим зўр бўлган.

“Реал” билан ўйинда Мартнеснинг йўқлиги яққол сезилди. “Барселона” прессинг остида қолиб кетди ва жуда қийналди. Каталонияликлар Иньигонинг ўрнини боса оладиган ўйинчи топа олмаган экан, - деди Тони Кроос.

Марказий ҳимоя позицияда ўйнаб келган Иньиго Мартинас чемпионлик мавсумидан кейин “Барселон”ни тарк этиб, Саудия Арабистонининг “Ан-Наср” клубига ўтиб кетган эди.