Элдор Шомуродов Фаластин билан биринчи ўйиндаги камчиликлар, Саудияга қарши учрашувда панд берган жиҳат ҳақида гапирди

Ҳозиргина Ўзбекистон миллий терма жамоаси ЖЧ-2022 иккинчи саралаш босқичидан ўрин олган Фаластинга қарши ўйин ўтказди.

Учрашувда Элдор Шомуродов биринчи ва иккинчи таймда биттадан гол урди. Қолган вақт мобайнида жамоалар дарвозаларга йўл топа олишмади. Натижада Шомуродовнинг дубли терма жамоамиз муҳим баҳсда ғалаба келтирди.

Учрашувдан сўнг ўйин қахрамони Элдор Шомуродов ўз фикрлари билан ўртоқлашди.

- Фаластин билан биринчи учрашувдаги мағлубиятга майдонни баҳона қилиб бўлмайди. Бироқ майдоннинг сифати яхши эмасди. Қолаверса, яккакурашларда ютқазганимиз учун ўйин бой берилганди.

Бугунги ўйинда эса иложи борича кўпроқ гол уришимиз шарт эди. Саудия Арабистонига имкониятни бой берганимиздан сўнг мухлисларимиз олдида юзимиз ёруғ бўлиши керак эди. Кўпроқ вазиятлар бўлди, муҳими ғалаба деб ўйлайман.

Бугун барибир яхшироқ ўйнадик, менимча. Тўпни ўзимизда кўпроқ сақлаб қолдик. Саудия Арабистони билан беллашувда айнан шу нарса етишмаган эди. Бугун шу хатони тўғрилашга интилдик, - деди Шомуродов.