Эмери драматик ғалабадан сўнг: "Жамоа майдонда қийналди"

АПЛнинг 33-турида "Астон Вилла" ўз майдонида "Сандерленд"ни 4:3 ҳисобида мағлуб этди.

Учрашувдан сўнг бирмингемликлар бош мураббийи Унаи Эмери ўйин ҳақида фикр билдирди.

"Жамоа майдонда қийналди. Биз жуда оғир ўйин ўтказдик, аммо яхши футбол кўрсата олдик. Якуни эса жуда ҳам ақлбовар бўлмас даражада кечди. Асосий мақсадимиз ғалаба эди. Охирги дақиқада ҳужумга ўтиб, ҳал қилувчи голни урдик. Бу баҳсда жуда кўп ҳиссиётларимни чиқариб юбордим", — деди испаниялик мутахассис.

Ушбу ғалабадан сўнг Эмери шогирдлари 58 очко тўплаб, Англия чемпионати жадвалида 4-ўринни эгаллаб турибди.