Энди “Бавария” чемпион бўлмайди!

“Боруссия”нинг собиқ футболчиси Юрген Колер келаси мавсумда Германия чемпионатида “Бавария”нинг гегемонлигига барҳам берилишини таъкидлади. Унинг айтишича, Бундеслигада чемпион ўзгаради.

- Келаси мавсумнинг асосий фаворити Дортмуднинг “Боруссия”си ҳисобланади. “Бавария” эмас. Дортмундликлар ажойиб ўйинчилар билан таркибни кучайтириб олди ва трансфер бозоридаги фаоллигини давом эттирмоқда. Бу трансферлар орқали “Боруссия” янги босқичга кўтарилади.

“Бавария” эса “Аякс”дан икки ўйинчини сотиб олди. Лекин уларнинг нималарга қодирлигини ҳеч ким билмайди. Бундан ташқари, мюнхенликлар асосий тўпурар Роберт Левандовски масаласини ҳал қилмаган. Ҳа, улар Садио Манени ҳам ўз сафига қўшди. Лекин у Левандовскининг ўрнини босолмайди. Сенегаллик футболчининг ҳужумдаги вазифалари умуман бошқача, - деди Юрген Колер.

“Боруссия” футболчилари ўтган мавсумни “Бавария”дан кейин иккинчи поғонада якунлади.