Энди Руис мураббийи билан келишувни бекор қилди

Бокс бўйича собиқ жаҳон чемпиони Энди Руис ўз мураббийи Мэнни Роблес билан келишувни бекор қилди.

"Барчаси шу томонга кетаётганини билгандим, мен ҳалол бўламан. Жошуа билан реванш жангги учун тайёргарлик кўрилаётганда барчаси шу ҳолатга қараб кетаётганини кўргандим.

Нималар бўлаётганини кўриб тургандим. Энди ўз билганидан қолмади ва истаганини қилаверди. Ҳеч ким уни назорат қилолмади. У на менга, на отасига қулоқ солмади, ҳеч кимни эшитмади.

Энди Саудия Арабистонида жангдан кейинги матбуот-анжуманида буларни айтиб ўтди. У мендан ва отасидан узр сўради. Менинг бахтимга, Энди мураббийни айбламай, барча айбни ўз бўйнига олди," - деди Роблес.