"Энергетик-БГУ"даги ҳамюртимиз ортга қайтган, сабаби...

Биласиз, Беларусь чемпионатида қатнашаётган “Энергетик-БГУ” жамоасида уч нафар ҳамюртимиз тўп сурмоқда.

Шахзод Убайдуллаев ва Бобур Абдухолиқовдан кейин шу йилнинг ёзида Дониёр Абдуманнопов ҳам “Энергетик-БГУ” аъзосига айланганди.

“Андижон” клубидан Беларусь чемпионатига кўчиб ўтган ярим ҳимоячи Абдуманнопов янги жамоаси сафида иккита учрашувда майдонга тушди. Кейин эса жароҳат олди. Шу сабабдан футболчи ортга қайтишга қарор қилди.

Абдуманнопов билан мазкур масала бўйича боғланганимизда у Андижонда муолажа олаётганини айтди ва тез орада “Энергетик-БГУ”га қайтишини маълум қилди.