EsRadio: Бэйл масаласида "Реал"да ҳеч қандай таклиф йўқ

“Реал” клуби вингери Гарет Бэйл янги мавсумни ҳам Мадридда ўтказиши мумкин.

EsRadio нашри тарқатган хабарга кўра айни дамда 30 ёшли уэльслик футболчини сотиб олиш учун “қироллик клуби”га ҳеч қандай таклифлар келиб тушмаган. Таъкидлаш керакки, Бэйл жамоа бош мураббийи Зинедин Зиданнинг режаларига кирмайди.

Эслатиб ўтамиз, Бэйл Хитой клубига ўтиши мумкин эди. Бироқ, хитойликларнинг таклифи “Реал”ни қониқтирмади ва ушбу трансфер барбод бўлди.