Европа грандлари талашаётган юлдузни бадавлат араблар илиб кетди

Саудия Арабистонининг машҳур клуби «Ал-Ҳилол» раҳбарияти «Вест Хэм Юнайтед» жамоаси билан ҳужумкор футболчи Крисенсио Саммервиллнинг трансфери бўйича келишувга эришди. 

Бу ҳақда The Athletic нашри хабар берди.

Манбага кўра, келишув қиймати тахминан 80 миллион еврони ташкил этади. Яқин соатлар ичида футболчи тиббий кўрикдан ўтади, шундан сўнг трансфер расман эълон қилиниши кутилмоқда. 

Саммервилл ва унинг янги клуби ўртасидаги узоқ муддатли шартнома шартлари аллақачон келишиб олинган.

Таъкидлаш жоизки, нидерландиялик футболчига Европанинг бир неча гранд клублари жиддий қизиқиш билдириб, айримлари музокарага киришга эди. 

Ўтган мавсумда Саммервилл барча мусобақалар доирасида 34 ўйинда майдонга тушиб, 7 та гол урди ва 5 та голли узатма амалга оширди. Унинг амалдаги шартномаси ҳозирги клуби билан 2029 йил ёзигача мўлжалланган. Transfermarkt портали маълумотларига кўра, футболчининг бозор қиймати 35 миллион евро деб баҳоланган.