Европада энг кўп гол урган ҳимоячига жиддий харидор чиқди

“Байер”да муваффақиятли ўйнаётган ҳимоячи Жереми Фримпонг Бундеслига чемпиони “Бавария” нишонига тушди.

Bayern&Germany нашрининг хабар беришича, келаси ёз Жереми Фримпонг шартномасида белгиланган банд ишга тушади. Унга кўра, исталган клуб ҳимоячини 40 миллион евро эвазига трансфер қилиши мумкин.

“Бавария” бу имкониятдан фойдаланиб қолмоқчи. Фримпонг янги мавумда энг сермаҳсул ҳимоячи бўлиб турибди.

23 шли нидерландиялик футболчи ҳимоядаги вазифаларини бажаришдан ташқари ҳужумга қўшилиб, гол уриш ва ассист қайд этишни ҳам уддаламоқда.

Фримпонг жорий мавсумда барча турнирларда 22 маротаба майдонга тушиб, рақиблар дарвозасини етти маротаба ишғол қилди ва ўнта голли пас узатди. Бу кўрсаткич Европа топ-лигаларидаги аксарият ҳужумчиларнинг статистикасидан ҳам яхши.