Fabio Kapello: "Manchester Siti" Chempionlar ligasida xuddi APLdagi kabi o‘ynamaydi

Italiyalik mashhur mutaxassis Fabio Kapello Chempionlar ligasining joriy mavsumida g‘oliblik uchun asosiy da’vogarlar kimligi borasida o‘z fikrini bildirib o‘tdi.

“Manchester Siti” va “Yuventus”. Biroq, “shaharliklar” Chempionlar ligasida xuddi APLdagi muhim o‘yinda o‘ynashgani kabi harakat qilishmaydi. Turinliklar esa hech narsadan cho‘chimaydigan “Ayaks”ga qarshi o‘ynashadi”, - deydi Kapello.

Ma’lumot uchun, “Siti” EChL chorak finalining dastlabki o‘yinida “Tottenxem”ga 1:0 hisobida yutqazib qo‘ydi. “Yuventus” esa “Ayaks” maydonida 1:1 hisobida durang qayd etdi. Agar ular ushbu bosqichdan o‘ta olishsa, biz yarim finalda Xosep Gvardiola va Massimiliano Allegri qarama-qarshiligini ko‘rishimiz mumkin.