Фабрегас фаолиятидаги энг зўр 3 та мураббий кимлигини айтди
Улар футболчининг фаолиятида муҳим аҳамият касб этган.
"Монако" клуби ярим ҳимоячиси Сеск Фабрегас фаолиятидаги энг яхши 3 та мураббийни санаб ўтди.
“Мен Гвардиола, Моуриньо ва Венгерни танлайман, чунки улардан қарздорман. Гвардиола “Барселона”да, Венгер эса “Арсенал”да мен ёқтирадиган футбол услубини ўргатишган. Лекин Моуриньо қўл остида “Челси”да ажойиб мавсумни ўтказганман. У билан муносабатларимиз жуда яхши эди. У қандай қилиб ақл билан ҳаракат қилишига ҳайрон қолардим”, - дейди испаниялик футболчи.
Фабрегас фаолияти давомида "Арсенал" (2003-2011), "Барселона" (2011-2014) ва "Челси" (2014-2019) каби жамоаларда тўп сурган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар