Фабрегас Месси фаолиятини қаерда тугатишини айтди

"Монако" ярим ҳимоячиси Сеск Фабрегас "Барселона"даги собиқ жамоадоши Лионель Мессининг каталонияликлар сафида фаолияти охиригача қолиши мумкинлиги ҳақида ўз фикрини билдириб ўтди.

“Мен Месси билан гаплашиб тураман. У ҳамиша фаолиятини “Барселона”да якунлашни хоҳларди. Клубда кўп нарсалар ўзгарди, аммо у фаолиятини Каталония клубида якунлашига ишонаман”, - дейди испаниялик футболчи.

32 ёшли Месси “Барселона” тарбияланувчиси ҳисобланади. У шу кунгача “кўк-анор ранглилар” сафида 718 та ўйинда майдонга тушди ва 627 та гол урди ҳамда 261 та голли узатмага муаллифлик қилди. Унинг клуб билан амалдаги шартномаси 2021 йилга қадар имзоланган.