ФАКТ! АГМК Бекободда "Металлург"га қарши 12 ўйиннинг фақатгина биттасида ғалаба қозонган холос

Суперлиганинг навбатдаги турида "Металлург" - АГМК қарама-қаршилиги бўлиб ўтади. Беллашувдан аввал бекободликлар матбуот хизмати ўйинга оид маълумотларни тақдим этди.

Тошкент вилояти жамоалари дербиси энг муросасиз ўтадиган ўйинлардан ҳисобланади. Бу жамоалар 2008 йилдан буён 25 та ўзаро учрашув ўтказган бўлса, шулардан фақат 3 тасида дуранг натижа қайд этилган. Томонлар 11 тадан ўйинда зафар қучган. Киритилган ва ўтказиб юборилган тўплар нисбати 47:46, олмалиқликлар битта тўп фарқи билан олдинда бормоқда.

Мазкур жамоаларнинг биринчи давра – Олмалиқ шаҳрида кечган ўйинида томонлар бир мартадан муваффақият қозониб, дурангга имзо чекишганди. Ўйиннинг 9-дақиқасида Мате Ватсадзе ҳисобни очган бўлса, 28-дақиқада Аброрбек Тошқўзиев вазиятни тенглаштирганди. Бу натижа эса, ўйин охиригача ўзгармасдан қолганди.

Энди ушбу жамоаларнинг Бекободда кечган ўйинлари тарихига тўхталсак: Тошкент вилоятининг энг шимолий шаҳрида бу жамоалар 12 марта тўқнаш келган. Уларнинг 10 тасида мезбонлар ғалаба қозонган. Битта ўйинда меҳмонларнинг қўли баланд келган бўлса, яна битта учрашувда ғолиб аниқланмаган.

Қуйида Бекободда бўлиб ўтган барча учрашувлар натижалари билан танишинг:

13.11.2008 Металлург – ОТМК – 1:1
05.11.2009 Металлург – Олмалиқ – 3:2
24.04.2010 Металлург – Олмалиқ – 1:0
09.09.2011 Металлург – Олмалиқ – 4:3
04.09.2012 Металлург – Олмалиқ – 4:3
31.05.2013 Металлург – Олмалиқ – 2:1
03.08.2014 Металлург – Олмалиқ – 3:2
21.10.2015 Металлург – Олмалиқ – 4:2
18.08.2016 Металлург – Олмалиқ – 4:2
26.10.2017 Металлург – Олмалиқ – 3:2
10.05.2018 Металлург – Олмалиқ – 0:1
27.07.2019 Металлург – АГМК – 2:1