Фақат "Барселона"га ўтишим мумкин!

"Манчестер Юнайтед" ҳужумчиси Маркус Рэшфорд фаолиятини қаерда давом эттириши ҳақида бир қарорга келди.

"Todofichajes" нашрининг хабар беришича, англиялик форвард "Барселона"га ўтмоқчи. Футболчига Туриннинг "Ювентус" ва ПСЖ клублари қизиқиш билдирмоқда, бироқ Маркус фақат "кўк-анорранглилар" учун ўйнашни истамоқда. Агар томонлар келиша олишса, шартнома мавсум охирида якунланади.

Рэшфорднинг "қизил иблислар" билан шартномаси 2028 йилнинг ёзига қадар тузилган. Унинг трансфер нархи 70 миллион еврога баҳоланмоқда.

Премьер-лиганинг жорий мавсумида 26 ёшли ҳужумчи 16 ўйин ўтказиб, иккита гол урди ва голли узатмани амалга оширди.