Фарҳод Бекмуродов: Ғалаба қанчалик зарурлигини тушуниб турибмиз

Coca-Cola Суперлиганинг 25-турида водий дербиси номи остида “Андижон” ҳамда “Қўқон-1912” жамоалари ўртасида муҳим ўйин бўлиб ўтади.

Майдон эгалари Суперлигада жон сақлаб қолиш учун курашаётгани боис ғалаба уларга сув ва ҳаводек зарур. Беллашув олдидан “Андижон” етакчиси Фарҳод Бекмуродов sports.uz сайтига қуйидагиларни айтди:

- Мураббийларимиз АГМКга қарши учрашув ортда қолганини, энди “Қўқон-1912” билан ўйинга жиддий тайёрланишимиз кераклигини тушунтирди. Мухлисларимиз кўз ўнгида ғалаба қозонишимиз муҳим эканини таъкидлаб келяпти.

Тўғри,”Қўқон-1912” кучли ўйин кўрсатяпти. Лекин биз ўз майдонимизда тўп сурамиз ва ғалаба қанчалик зарурлигини билиб турибмиз. Жамоамиздаги муҳит ҳам яхши, ҳамма бир-бирига ишонади.

Дерби эса ўз номи билан дерби. Бунда кимнинг нечанчи ўриндалигини фарқи йўқ. Жамоалар майдонда ҳар бир қарич ер учун қаттиқ курашишади. Мураббийларимиз танлаган тактикани тўғри бажаришимиз керак. Ғалаба қозониш орқали мураббийлар, раҳбарлар, мухлислар ва оила-аъзоларимизни хурсанд қиламиз, деган умиддаман, - деди Бекмуродов.

Матнда хатолик топсангиз, ўша хатони белгилаб, бизга жўнатинг (Ctrl + Enter)