Фати "Барселона"га қайтишга тайёр, лекин ...

"Барселона" вингери Ансу Фати Каталония клубига қайтишни истамоқда, дея хабар беради Sport.es. Футболчи айни дамда ижара асосида ҳаракат қилаётган "Брайтон"да қолишни истамаяпти.

Фати "Барселона"га қайтишга ва асосий таркибдан жой учун курашишга аҳд қилган. У мавсум олдидан Хавини ҳайратда қолдирмоқчи ва жамоада ўзини кўрсатишни режалаштирмоқда. Аммо ҳамма нарса унга боғлиқ эмас.

Мураббий футболчига имконият беришга тайёр, аммо клубнинг позицияси ҳал қилувчи бўлади. Каталонияликлар янги трансферлар учун футболчиларни сотишга мажбур, Фати эса ушбу рўйхатдан ўрин эгаллаган.

Жорий мавсумда 21 ёшли вингер барча турнирларда 28 та ўйин ўтказиб, 4 та гол урди ва 1 та голли узатмани амалга оширди.