Fayzullaev – katta yo‘qotish!

Abbosbek Fayzullaev Evropa top-ligalarida o‘ynayotgan Ispaniyaning “Real Sosedad” va Frantsiyaning “Monako” klublaridan jiddiy qiziqish bo‘layotgani, bu jamoalar 21 yoshli hujumkor futbolchimizni qishki transferlar vaqtida o‘z safiga qo‘shib olishni rejalashtirayotgani haqida ma’lumotlar tarqatilmoqda.

Rossiya ommaviy axborot vositalari mamlakatning taniqli futbol ekspertlaridan TsSKA futbolchisining transferiga munosabat so‘rab, intervyu olyapti.

Sports.uz portali Rossiya terma jamoasining sobiq futbolchisi, ayni paytda taniqli ekspert hisoblangan Evgeniy Aldoninning Abbosbek Fayzullaev xususida euro-football.ru manbasiga  bergan intervyusini havola etadi.

- “Monako” Abbosbek Fayzullaevga qiziqayapti, degan yangilik tarqaldi. Siz bunga ishonasizmi?

- Bo‘lishi mumkin. Abbos Osiyoning eng yaxshi yosh futbolchisi hisoblanadi va bu nimadandir dalolat beradi. Uning istiqboli bor, yoshi ham shunga mos. O‘tgan mavsumda ham u o‘z darajasini ko‘rsatgan edi, bu gal ham shunday davom etmoqda.

Shuning uchun nega “Monako” unga qiziqmasligi kerak? Bu jamoa Frantsiyaning birinchi yoki ikkinchi raqamli jamoasi emasdir, lekin Evropa Chempionlar ligasida muntazam ishtirok etib keladi. Shu bois bu istiqbolli transfer hisoblanadi.

- Fayzullaev “Monako” kabi jamoalar darajasiga tortadimi?

- Oldindan darrov moslashib ketishi borasida biror nima deyish qiyin, lekin vaqti kelib, albatta o‘ynab keta oladi.  Frantsiya chempionati atletika va tezkorlikka tayanishini inobatga olish kerak. Bu transfer yosh futbolchi uchun yangi va yaxshi sinov bo‘ladi.

Bu erda yana bir muhim jihat, transfer narxiga bog‘liq. U TsSKAni qoniqtirishi kerak.

- Ommaviy axborot vositalarida “Monako” Fayzullaev uchun TsSKAga 15 million evro berishga tayyor ekani aytildi. Bu munosib narxmi?

- Bu yaxshi narx. Bu erda TsSKA Fayzullaevni qancha narxga olganini inobatga olish kerak. Bu borada aniq ma’lumotlarga ega emasman. Shunga qaramay, taklif qilinayotgan summa yaxshigina. Tabiiyki, juda yuqori emas, lekin o‘zimizning chempionatga mos.

- Fayzullaevning ketishi TsSKAga qanday ta’sir qiladi?

 - Fayzullaev TsSKA etakchilaridan biri, hozir TsSKAning hujum chizig‘i, yumshoq qilib aytganda, juda zo‘r emas.  Ayni paytda Fayzullaevning ketishi TsSKA uchun katta yo‘qotish bo‘ladi. Agar transferni yozga qoldirish imkoni bo‘lsa, unda Abbosga munosib o‘rinbosar topishning ilojisi bo‘lardi.  

Tabiiyki, Fayzullaevni yo‘qotishni hech kim istamaydi, lekin boshqa tomondan bu o‘yinchining karerasi, bu transferni yuqori darajada futbol o‘ynaydigan jiddiy jamoaga o‘tish imkoniyati, deb qabul qilish lozim. “Monako”ning maqsadi jiddiy bo‘lsa, shuning o‘zi katta yutuq.

- Nega?

- Bu yosh futbolchilarning o‘zishi uchun zarur omil. Bu katta klublar bizning chempionatimiz jamoalarini kuzatib borayotganidan dalolat beradi. Eng asosiysi, boshqalardan ajralib turish, yaxshi o‘yin ko‘rsatish.

“Paxtakor” tarbiyalanuvchisi bo‘lgan Abbosbek Fayzullaev 2023 yildan beri TsSKA sharafini himoya qilib kelmoqda. Bugungi kunda 21 yoshli legionerimiz Markaziy Osiyoning eng qimmatbaho o‘yinchisi hisoblanadi. Uning transfer summasi 6 million evroga baholangan.

Agar bu jamoada o‘ynaganida Fayzullaev uchun 15 emas, 50 million evro berishardi!

Fayzullaev Frantsiyaga boradimi?

Fayzullaevga “Monako” qiziqayotganiga munosabat bildirildi!

Fayzullaev muxlislari o‘qisin: Abbosga yordam beraylik!

Eldorni nimalar kutmoqda? Shomurodovga oid so‘nggi yangiliklar