Фазлиддин Ғойибназаров ESPN телеканали дастуридан ўрин олган бокс кечасида рингга кўтарилади

Top Rank промоутерлик компанияси шартномага эга бўлган ҳамюртимиз, Олимпиада чемпиони Фазлиддин Ғойибназаров Қозоғистоннинг Алмати шаҳрида ўтказиладиган профессионал бокс оқшомида рингга кўтарилади. 

Фазлиддиннинг мураббийи Аброр Турсунпўлатовнинг таъкидлашича. Мазкур бокс кечаси Британиянинг MTK Global промоутерлик компанияси томонидан ташкил этилади. 

"Виза билан боғлиқ муаммо сабаб Ғоибназаровнинг АҚШга йўл олиши бироз кечикаётганлиги сабабли, Top Rank Фазлиддин учун Алматидаги бокс оқшомида жанг қилишни таклиф қилган. Top Rank ва MTK Global компаниялари ўртасида яқин ҳамкорлик йўлга қўйилган. Ҳозирча рақиб ким бўлишига аниқлик киритилмаган. Бу борада музокаралар давом этмоқда. Қолаверса, ушбу бокс кечасида тўртта жанг Қозоғистоннинг махаллий ҳамда жаҳонда энг рейтинги баланд бўлган ESPN телеканалида трансляция қилинади. Улар орасида Фазлиддиннинг жанги ҳам ўрин олган - дейди Турсунпўлатов.