“Fergana Grand Prix” турнири ғолиби маълум

Фарғонада велошоссе бўйича “Fergana Grand Prix” турнири якунланди. Мусобақанинг бугунги беллашувлари Ўзбекистон терма жамоаси учун муваффақиятли ўтди.

Эркаклар ўртасида кечган 2-босқич пойгасида ҳамюртимиз Никита Светков марра чизиғини биринчи бўлиб кесиб ўтди. Спортчимиз 141 кмли масофани 3:25:41 соатда босиб ўтди.

Шунингдек, босқич якунида энг юқори натижа қайд этган Светков мусобақа ғолиблигини қўлга киритди. Иккинчи ўрин испаниялик Хуан Лозанога насиб этган бўлса, беларуслик Роман Тишков кучли учликни якунлаб берди.

Бу ҳақда МОҚ хабар бермоқда.