Ferran Torres: Flikning ishonchini his qilyapman!

Xabaringiz bor, kecha Ispaniya La ligasi doirasida "Atletiko Madrid" - "Barselona" bahsi bo‘lib o‘tdi.

Bellashuv 4:2 hisobida kataloniyaliklarning g‘alabasi bilan yakunlandi. Unda "ko‘k-anorranglilar" safida zahiradan maydonga qo‘shilgan Ferran Torres 78 va 90+8-daqiqalarda gol urib jamoasining g‘alabasini ta’minladi. Ispaniyalik futbolchi uchrashuvdan so‘ng o‘z fikrlari bilan o‘rtoqlashdi.

"Men Flikning ishonchini his qilyapman. Hansining imkoniyat taqdim etayotganidan xursandman. Qachonki, men maydonda bo‘lganimda o‘zimni juda baxtli deb bilaman va bu men uchun eng yaxshi narsa hisoblanadi", - dedi Torres

Eslatib o‘tamiz, Ferran bu mavsumda La Ligada 20 ta o‘yinda qatnashib, 7 ta gol urdi va 2 assistni qayd etdi.