ФИФА Жаҳон чемпионати финалида Паредесга берилган қизил карточкани бекор қилди

Аргентина терма жамоаси ярим ҳимоячиси Леандро Паредесга Жаҳон чемпионати–2026 финалида кўрсатилган қизил карточка бекор қилинди. Бу ҳақда ижтимоий тармоқларда инсайдер Дэйл Жонсон маълумот берди.

Унинг хабарига кўра, Паредес финалдаги можаро учун қўшимча тартиб-интизомий жазога тортилмайди. ФИФА ушбу эпизодни қайта кўриб чиққач, футболчига нисбатан қатъий чора кўришдан воз кечган.

Эслатиб ўтамиз, Испания ва Аргентина терма жамоалари ўртасидаги Жаҳон чемпионати финал баҳси якшанба, 19 июль куни бўлиб ўтди. «Қизил фурия» кескин курашларга бой ўйинда минимал ҳисобда ғалаба қозониб, тарихида иккинчи бор жаҳон чемпионига айланди.

Учрашувдаги ягона голни қўшимча бўлимларда Испания ҳужумчиси Ферран Торрес урди.