FIFA "JCH-2026"da kelishilgan o'yinlar bo'yicha tergovni yakunladi

FIFA huzuridagi sportda halol o‘yin tamoyillarini nazorat qiluvchi maxsus guruh jahon chempionati doirasida o‘tkazilgan barcha 104 uchrashuvni tahlildan o‘tkazdi. Tekshiruvlar natijasida o‘yin natijalariga tashqi aralashuv yoki totalizatorlar bilan bog‘liq shubhali faoliyat aniqlanmadi.

Bundan avvalroq Yevropa Kengashi mutaxassislari Jahon chempionati–2026 doirasida yettita shubhali holat qayd etilgani haqida ma’lumot bergan edi.

Jahon chempionati 11 iyundan 19 iyulga qadar bo‘lib o‘tdi. Musobaqa uchrashuvlari Meksika, Kanada va Qo‘shma Shtatlar arenalarida tashkil etildi. Turnir g‘olibligini Ispaniya milliy jamoasi qo‘lga kiritdi: finalda yevropaliklar Argentina terma jamoasini 1:0 hisobida mag‘lub etdi.