FIFA VAR masalasida muhim qarorni e’lon qildi

Koronavirus pandemiyasidan so‘ng futbol olami avvalgidek bo‘lmaydi. Qayta tiklangan chempionatlar ma’lum muddat tomoshabinlarsiz o‘tkaziladi, jamoalarga har bir o‘yinda 5 tagacha futbolchi almashtirishga ruxsat beriladi.

Bundan tashqari, FIFA futbol chempionatlari tashkilotchilariga musobaqa tiklangach, uchrashuvlarda VAR tizimidan foydalanishni rad etish huquqini ham berdi.

VAR tizimidan ilk bor “JCh-2018”da foydalanilgan edi. Ayni damda esa dunyoning ko‘plab chempionatlari va musobaqalarida videotakrorlardan foydalanish keng yo‘lga qo‘yilgan.