Final qahramonlari – Tuxel va Kante yangilik kutmoqda!

UEFA Chempionlar ligasida “Chelsi”ning g‘alabasiga katta hissa qo‘shgan bosh murabbiy Tomas Tuxel va hal qiluvchi bahs qahramoni bo‘lgan Ngolo Kante tez orada supershartnomaga ega bo‘ladi.

Ma’lumotlarga qaraganda, klub rahbariyati Tuxelga ham, Kante ham, yangi bitim berishga qaror qilgan.

Tomas Tuxel muhim g‘alaba evaziga “aristokratlar”ni 2023 yilgacha boshqarish imkoniga ega bo‘ladi. Shuningdek, klub rahbarlarida kelishuvni avtomatik tarzda yana bir yilga uzaytirish huquqi bor.

Yaqinda “Chelsi”dan ketishi aytilgan Kante esa, uzoq muddatli shartnoma kutmoqda. Tabiiyki, maosh borasida ham o‘sish bo‘ladi.

Shuningdek, londonliklar tajribali himoyachi Tyago Silva bilan hamkorlikni davom ettirishni istamoqda va unga ham yangi kelishuv taklif qilinadi.