"Фиорентина" етакчиси учун "Интер" ва "Ювентус" кураш олиб бормоқда

"Интер" раҳбарияти "Фиорентина" хавбеки Федерико Кьеза учун 40 миллион евро сарфлашга тайёр. Бу ҳақда Corriere dello Sport нашри хабар тарқатмоқда.

Юқоридаги манбаага кўра “нерадзуррилар” 21 ёшли италиялик футболчининг трансфери учун шунингдек Янн Карамо ва Зиньо Ванхеусден каби ёш иқтидорли футболчиларини қўшиб беришга тайёр.

Эслатиб ўтамиз, Кьеза учун шунингдек “Ювентус” ҳам кураш олиб бормоқда. Туринликлар Милан клубидан фарқли ўлароқ “бинафшаранглилар”га 50 млн евро таклиф қилишмоқда. Аммо, “Фиорентина” уни 70 млн еврога баҳоламоқда.

Маълумот учун, Кьеза жорий мавсум А Серияда 35та ўйинда майдонга тушди ва ўз ҳисобига 6та гол ҳамда 7та голли узатма ёздириб қўйишга эришди.