Флик “Атлетико”га қарши ўйин олдидан 0:4 ҳисобини эслади

“Барселона” бош мураббийи Ханси Флик жамоанинг “Атлетико”га қарши бўлажак ўйини ҳақида фикр билдирди.Мутахассис рақибнинг кучли эканини таъкидлади:

“Бу Ла Лига ва Европадаги энг кучли жамоалардан бирига қарши ўйин. Уларда сифат жуда юқори ва ҳар қандай футболчи ўйин тақдирини ҳал қилиши мумкин.”

Шу билан бирга, у аввалги мағлубиятдан хулоса чиқариш кераклигини айтди:

“Ўтган сафар улар майдонида ўйнаганимизда кўп хато қилгандик. Бу сафар бундай хатоларга йўл қўймаслигимиз керак.”

Флик жамоанинг тайёргарлигидан мамнун эканини ҳам қўшимча қилди:

“Бугунги машғулотлар менга ёқди. Олдимизда жуда муҳим икки ой турибди.”

Маълумот учун, каталонияликлар аввалроқ Испания кубоги доирасида "матрасчилар" майдонида 0:4 ҳисобида мағлуб бўлган эди.