Флик "Барселона" билан келишувга эришди

"Барселона" бош мураббийи Ханс-Дитер Флик яқин вақт ичида янги шартнома имзолайди. Томонлар аллақачон принципиал келишувга эришган, деб хабар бермоқда журналист Николо Скира.

Германиялик мутахассис 2028 йил ёзигача мўлжалланган янги шартномага розилик билдирган. Яқин кунларда барча ҳужжатлар имзоланиши кутилмоқда.

Флик 2024 йилда каталонияликлар бош мураббийи этиб тайинланган эди. Унинг амалдаги шартномаси 2025/26 мавсуми якунига қадар мўлжалланган.

Маълумот учун, унинг бошқаруви остида жамоа Ла Лига, Испания Кубоги ва икки бор Суперкубокни қўлга киритган, шунингдек, Чемпионлар лигасида ярим финалгача етиб борган.