Flik: "Barselona" kelasi mavsumda ham kuchli tarkibga ega bo‘ladi"

"Barselona" bosh murabbiyi Hans-Diter Flik jamoaning kelajak rejalari haqida fikr bildirdi.

"Transfer bozorida nima bo‘lishidan qat’i nazar, men ishonamanki, bizda kelasi mavsumda ham juda kuchli tarkib bo‘ladi", — dedi murabbiy Fabrizio Romano orqali.

Eslatib o‘tamiz, “Barselona” 2025/26 mavsumda Ispaniya chempioniga aylandi. Kataloniyaliklar 37 turdan keyin 94 ochko to‘plab, ikkinchi o‘rindagi “Real”dan 11 ochko oldinda bormoqda.

Mavsumning so‘nggi turida Flik shogirdlari mehmonda “Valensiya”ga qarshi maydonga tushadi. Uchrashuv 23 may kuni bo‘lib o‘tadi.