Флик "Ливерпуль" ҳужумчиси "Барса"га келишини хоҳламаяпти

"Барселона" бош мураббийи Ханс-Дитер Флик ёзги трансфер ойнасида "Ливерпуль" ҳужумчиси Луис Диасни сотиб олишга арзийдими ёки йўқлигига ишончи комил эмас. Бу ҳақда "El Nacional" хабар бермоқда.

Манбага кўра, каталонияликлар мураббийи "Атлетик" вингери Нико Уильямс ёки "Аталанта" ҳужумчиси Адемола Лукман трансферига устунлик бермоқда. 

Колумбиялик вингернинг "қизиллар" билан амалдаги шартномаси 2027 йилда ўз якунига етади. Диас каталония клубида тўп суришни орзу қилгани учун инглиз гранди билан шартномани узайтирмоқчи эмас. 

Нико Уильямс трансфери "Барса"га қимматга тушиши мумкин. Унинг бозордаги нархи 70 миллион еврога баҳоланмоқда.

Лукман эса, "Бергамоликлар" мураббийи Жан Пиеро Гасперини билан муносабатлари ёмонлиги сабаб, жамоадан зудлик билан билан кетмоқчи. Унинг шартномаси 2026 йилнинг ярмида тугайди.

Ҳозирда "Барселона"  Ла Лига турнир жадвалида 66 очко билан биринчиликни эгаллаб турибди.