Флик нега Рафиньяни марказий ҳужумда ўйнатаётганини тушунтирди

«Барселона» бош мураббийи Ханси Флик жамоада кутилмаган тактик ўзгариш — Рафиньяни марказий ҳужумчи сифатида майдонга тушираётгани сабабини тушунтирди. Илгари бразилиялик футболчи бутун фаолияти давомида қанотда, вингер позициясида ўйнаб келган эди.

Фликнинг айтишича, Рафиньяни ҳужум марказига суриш қарори футболчининг ўзи билан олдиндан муҳокама қилинган. Шу боис бразилиялик учун янги роль мутлақо кутилмаган ҳолат бўлмаган.

«Рафиньяни ҳужумчи сифатида ўйнатиш ҳақидаги қарорни мен қабул қилдим. Буни у билан олдиндан гаплашиб олганмиз. Унинг имкониятларини жуда яхши биламиз ва у учун чин дилдан хурсандмиз. У тўп билан ҳам, тўпсиз ҳам жуда кучли ўйнайди. Рафинья шартномасини узайтирганидан мамнунман. Бу клуб қабул қила олган энг тўғри қарор. У орзу қилинадиган даражадаги сардор», — деб таъкидлади Флик.