Флик ПСЖ футболчиси "Барса"га ўтишига розилик берди

«Барселона» бош мураббийи Ханс-Дитер Флик ПСЖ ярим ҳимоячиси трансферига розилик берди. Гап ўз ватани Испанияга қайтишни кўзлаётган Фабиан Руис ҳақида кетмоқда.

El Nacional нашри ёзишича, Флик ушбу футболчини жамоага таклиф этиш ғоясини қўллаб-қувватлаган ва раҳбариятга ижобий тавсия берган.

«Жуда қизиқ вариант, у аллақачон Флик томонидан маъқулланган. Немис мураббийи Севильялик футболчининг даражаси ва сифатига ишонгани учун Лапорта ва Декуга уни имзолаш бўйича тавсия берганда бир лаҳза ҳам иккиланмади», — дея қайд этади манба.

Материалда таъкидланишича, Фабиан Руис келса, ярим ҳимояда рақобат кучаяди, шу билан бирга Педри учун дам олиш имконияти ҳам кенгаяди. Шунингдек, Френки де Йонг ва Гавининг эҳтимолий кетиши ҳам инобатга олинмоқда.

Эслатиб ўтамиз, 30 ёшли Фабиан Руис яқинда ПСЖ билан шартномасини 2027/2028 йилги мавсум якунигача узайтирган эди.